點解你要返工？

小鍋貼的一些同學仔的媽咪應該是全職媽媽，她們有時接放學後會聚在學校門口吹水。我未曾試過加入她們的吹水行列，一來無被邀請，二來我亦極趕時間，因我送了小鍋貼回家後便要急急忙趕回OFFICE。

昨天放學後，小鍋貼見到他的好朋友仔站在學校門口，原來好朋友仔的媽媽是吹水幫的一份子。小鍋貼想拖實好朋友仔的手一起行，但好朋友仔要跟實媽媽不能行開。我跟小鍋貼解釋我們趕時間要走先，但他卻想跟好朋友仔留下。他不依，發了少少脾氣。我再提醒他媽咪12.30便要離家回OFFICE，所以我們要快快回家。小鍋貼的優勝之處是肯講道理，最後他乖乖跟我走了。

但他邊行邊問我

「點解我地趕時間嘅？」
「因為媽咪要返工囉。」
「甘點解偉傑（好朋友仔）唔趕時間嘅？」
「因偉傑媽咪唔駛返工囉，所以佢地可以唔走住。」
「甘點解媽咪要返工，偉傑媽咪唔駛返工嘅？」

？？？登‧登‧登，即時啞了口唔識答！係呢，點解呢？因媽咪鍾意返工囉，返工好好玩，好似你返學有好多玩具玩囉！不過，我當時是這樣答他的：

「偉傑是否有一位家姐？」
「係呀。」
「甘他的屋企有兩位小朋友，他媽咪米唔可以返工，因要照顧他們呵。若果我們家都有兩位小朋友，那媽咪都不可以返工啦，要在家照顧你們啊。」

唔知你是否滿意這個答案。不過，事實是你聽後便沒有再追問了，甘當你收貨啦。