怒髮衝冠

上星期五帶了小鍋貼去剪頭髮。他初頭有點緊張，不停地叫我坐在他附近。理髮姐姐問我要怎樣剪，我即時啞了口，都唔知點答，居然說了：「剪短D，剪得他靚靚仔就得啦。」我想姐姐一定覺得呢個阿媽甘搞笑嘅！

因頭髮短了，加上這兩天吹北風，小鍋貼頭頂的頭髮不單只像蛋糕，更似一個像閃電炸過的蛋糕，一條條頭髮乾旱地樹起晒，怒髮衝冠一樣。

今早恆恆爸爸用水濕左D 頭髮幫他梳頭，但他的頭髮仔跟他個人是一樣的不聽話，照舊彈晒起來，連小鍋貼自己都看不過眼，忍不住自己跟頭髮說：「你唔好再曳曳豬啦，乖D先啦！」

直至入校門前他的頭髮都沒有再彈起來，不知放學時又怎樣呢？！