Challenge

我現在工作的最大challenge，初初以為係個context，因我從未接觸過這個工作規範。但其實是，我很多時都是在沒有明確指示下工作，往往要自己不停在背後推波助瀾，才能令到一些事情有點眉目、有些進展，以達至應有的結果。在這個過程裡，往往覺得自己如一個八婆仔甘，既要去打聽，又要去疏通游說，有時又要唔好怕煩甘去推人做野，但又要恰如其份，不要招野口舌，被人覺得踩過界。仲要做好contingency plan，萬一a計畫唔得，b計畫要補上；或者a計畫唔得，如何自圓其說等。個中如何拿捏，如何平衡，這些政治外交手腕，才是最考工夫的地方。

今早正當猶豫緊應怎樣做一件事時，隔離部門個阿頭，即早前提過的GRANDPA R問我件事搞成掂，我即時如在大海中抓到一塊浮萍一樣。他問我其實我想掂，等佢同VP講，仲話佢唔會話比VP聽我話唔想做！d鬼有時就係甘可愛架啦！結果係佢話VP承諾會叫他的馬仔buy the bullet to do，但直至現在他的馬仔仲未有任何動靜喎！但GRANDPA R的仗義幫助，已暖和了我這個小薯仔的心仔了。