又一天

今日阿仔無午睡，所以入黑後便頭暈暈，整晚前後跌了3次。兩次係行行下自己左腳踏右腳，在阿公家樓下LIFT口連跌了兩次。第三次是恆恆爸爸跟他吃晚飯時，他又馬騮上身，恆恆爸爸看溜了一眼，他便倒樹衝地「鍾」了落地，真陰公！

今日4個面試，頭兩個阿仔表現勁差，唔彩老師之餘還推和打老師，我極肯定人地係唔會收佢囉。不過，其中的一間校舍超細，梯級又斜又深，走廊左柺右轉，感覺亦不是太好。

之後兩次的表現稍好，奈何其中一間應是衰在我手上！因老師最後問我點解選擇她們，我地無做功課，我即時口啞啞，淨識講口碑好，但點好呢？完全講唔出。我在檯底不停踼恆恆爸爸隻腳，但佢完全無反應（因佢都無IDEA囉！），激死！阿仔，唔好意思，我地下年再報過啦。

最後，今晚離開公公家之前穿上外套，伸手一模，模到今朝阿仔在那間細小校舍的學校裡摘的桔仔，於是便拿出來給姨姨和公公看。阿仔見到，一手便想搶了過去。我見機便跟他做了一個DEAL，要他VIVI先（因他不肯去洗手間呵！），然後便給他。怎知，他VIVI期間，我跟姨姨談了其他東西，渾然忘記了個DEAL，還把粒桔仔放回衣袋內。他從洗手間一出來，便走過來打開我的手掌，眼神充滿疑問，口裡不停咦咦啊啊，指手畫腳，我、姨姨和恆恆爸爸都不知他要什麼。反而公公一言驚醒夢中人，提醒我們那個DEAL。噢，是啊。阿仔之後很滿意地跟姨姨和公公BIG HUG和說再見。阿公今次真醒！