第一次撞車

今朝終於出事啦，我個心仔到而家都仲跳得有d不規律呀！

今朝小鍋貼要上遊戲班，但呢隻衰豬又唔肯乖乖地吃早餐，於是便遲了點出門口。由是便心急，開車至界限街想切出一條線行快點，車尾便擦過鄰線的貨車頭，把對方的bumper輕微撞陷了。

停車後與貨車司機討論，由於它是公司車，上級要求他報警。噢，很麻煩的哦！

我：唔駛報啦，甘小事！

司機：車長話要報呵。

司機：阿小姐，不如你打左死火燈先講啦。（我心諗：係播，要打燈啊！死死氣走去打燈先。）

我：俾個電話我等我同佢講。我好趕時間呀，我bb番學遲到啦，（適逢阿仔話要weiwei），bb又話要去廁所呀，快d啦。

如是，他撥通了電話，我便跟車長說了不好意思，願意賠償，但bb現在要番學又要去廁所云云。

車長：甘一係你擺底$500俾我d手足啦。

我：嘩，我無甘多錢呵。（我諗車長好想打我囉。）

我：甘，不如我留底咭片和手機號碼俾你地，你整好call我。

車長：好啦，好啦。

我：喂，你唔好收線住，你同你d手足講聲，如果唔係佢地唔聽我講架。

跟著司機便叫我拿駕駛執照讓他抄底資料。哈哈，我居然找不到啊，莫非我無帶？找來找去都找不到，唯有硬塞了張咭片給他便算數。他跟我說：「小姐，好彩無報警呀，你點會連車牌都唔帶架？」我狼狽地回他：「米係囉，都話唔報警架啦！」

臨走前，司機還謹慎地加句：「如果燕梳話要賠，我找你呀。」

半小時後，我剛到office，手機響起來。

司機：小姐，我現在在麗港城整車，你過來付錢啦。

我：我而家番緊工呀，因為你我已經遲到了半小時。你過來九龍塘啦。（好像有點惡人先告狀！）

司機：下，你要番工呀？九龍塘邊樹呀？點行呀？係米去番頭先界限街個度先呀？

我：係呀，跟著窩打老道，然後歌和老街再轉落達之路囉。

司機：甘麻煩？！

我：甘不如你俾個戶口我，我過數俾你啦。

司機：唔得，我有張紙俾番你，正正式式架麻。

我：甘，一係lunch time先啦。

司機：唔，我睇睇點啦。

兩小時後，司機通知我已到達了，著我現在拿錢給他。當我給他錢時，他仍苦口婆心地叮囑我下次要小心。

我緊係知啦，見個鬼還唔怕黑？幸好小鍋貼無事。呢隻豬仔，發生事故時還在kaka笑，佢緊係覺得好好玩，好excited啦。

為了安定我個心仔，恆恆爸爸今天陪我吃lunch，還吃了美味的壽司來定驚！恆恆爸爸還替我找回駕駛執照，原來是在我銀包的某一個暗格，想必頭先實在是太緊張了！