拖鞋仔

老爸著了這個德國品牌的皮製拖鞋多年，時常稱讚它舒服好著兼耐用。星期天在百貨公司見到它大特賣，童鞋原價一百，半價五十，拿上手正在猶豫時，有位婆婆行過跟我說：「哎呀，半價呀，我個孫仔都係著佢架，好舒服，他很喜歡著呀。」於是，師奶仔心態便開始作祟。最後買了兩雙，一對小碼，一對中碼。

當我付錢時，收銀員姐姐不停地讚對拖鞋好得意，攪到部長叔叔都要走來搭訕：「我都係著佢架，著左好幾年啦都未難，好耐著，好舒服。佢重可以濕水架，不過唔好好似洗衫甘浸住佢就得啦。」睇黎，呢對鞋都好受歡迎下啊。

 小鍋貼初著時不太習慣，現在好些。我們主要是在他洗澡後才跟他著。由是，他洗澡後的穿衣模式，由以往由我抱著濕漉漉的他從洗手間走回睡房在床上跟他抹身著衫，現改為穿著拖鞋站在洗手間進行，等同我們大人一樣。

又一次證明他真的愈來愈大個仔啦。

另，恆恆爸爸聽完我覆述部長的說話，他反駁說阿仔隻腳仔大得甘快，著幾個月就得，幾年就唔駛諗啦。係播，又對喎。