快來快去的102度發燒

前晚小鍋貼清晨三時起了床，哭著話要weewee。嘩！一抱上手，好慶呀！即刻度下體溫，102度！不得了！去雪櫃找下有無看門口葯，只係搵到枝半年前的退高燒藥水。恆恆爸爸有點猶豫，我說：「唔好理甘多，頂住當先啦」。幸好葯到病除，一小時後已回落到一百度左右，之後大家繼續睡。

可能因清晨折騰了一小時，所以昨天早上他睡至九時才起床。之後十時去睇醫生，搞到十二時多才回家。在診所裡姑娘替他度高磅重。哈哈，又不得了呀！差不多接近一米高啦，九十九厘米，三十二磅。

其實昨早九時起來再替他探熱時已沒有發燒，之後直到今天晚上都無燒。醫生話有點喉嚨發炎，可能會燒一兩日，所以寫了兩天假紙。老師今早又打來問小鍋貼的情況，還「叮囑」我下次要「主動」打電話回校請假。駛唔駛甘認真呀？！想當年我阿媽，即小鍋貼的婆婆，都無甘做的啊，甘我又點知要「請假」姐！

呢兩日隻臭豬在家都不知幾精靈活潑，食得又瞓得。可能因他好食得，又好瞓得（午睡兩至三小時），所以身體都頗強壯。一向大病痛不多，上學兩個半月以來亦都未曾試過好大病（touch wood!)，希望他能一直維持這樣吧！