第一次ORDER

今早在OPENRICE游走了一會兒但都沒有什麼IDEA，於是在FB留了言，諗住集思廣益下今晚去邊樹吃日本拉麵好，因這是小鍋貼的FAVOURITE！朋友仔留言話不如試下MIST，早排我阿妹都有叫我試，但CWB實在有點遠，TST就比較就腳，所以今晚最終去了ISQUARE。從我們家到ISQUARE，地鐵來回，完全不用日晒雨淋，每程20分鍾到，超爽！

去到ISQUARE，見到一間什麼北海道拉麵，見佢企企理理又不用等位，無理好唔好食，就走了進去。味道不是很AUTHENTIC，也不是很出色，唯一好處是味道不太濃，且見小鍋貼吃得津津有味，大家心情都很開心，所以也覺得好OKAY。

小鍋貼來回跟恆恆爸爸要了3次麵，他每次吃完，我問他夠未，他每次都是大大聲地話「未夠」。直至第三次，我跟他說：「你仲要唔要食雪糕呀？」他眼仔轉一轉，便收手罷休！又再一次證明，他自己是可以HANDLE到吃東西，他不是只會顧住玩的！今晚給他吃了麵、餃子和雞蛋，他自己很乖地吃，一丁兒都沒有掉在地或檯上，吃得又快又乾淨！

食完拉麵，他話要吃古古力雪糕。他細意地檢視了附近的兩間日式西餐，發現了其中的一間（KW)有古古力雪糕杯，好鬼興奮地捉住恆恆爸爸衝了進去。我叫了一杯咖啡，跟住我叫他告訴侍應哥哥他要吃什麼，

仔；古古力。（指住餐牌個雪糕杯）
侍：啊，朱古力芭菲。
我：古古力芭菲呀，講一次啦。
仔：（笑不停）古古力芭菲。

我：你要幾多杯呀？

仔：（以期待的眼神望住侍應哥哥，舉起了一隻肥手指。）

我：甘即係幾多杯呀？

仔：一杯。

我：同哥哥講唔該啦。

仔：THANK YOU。

由是，阿仔今晚又踏出了另一大步，YEAH！跟住就當然好開心甘食食食啦。然後哥哥來收杯，我叫他跟哥哥說好味。哥哥居然跟他說：「梗係好味啦，你叫了全餐廳最貴的一杯雪糕呀，你食左你阿媽好多錢呀！」吓？杯雪糕好似是$40咋喎，甘就最貴架啦？不過，點都唔關我事，係恆恆爸爸比錢架！