忙 • 趕 • 莫扎特

近期office忙到嘔，平時第一個收工的我，現在往往是尾二或尾三，但都仲係有n樣urgent野未做的。係甘忙的情況底下仲要送番學，接放學，晚上又要上興趣班（所以近期的興趣班多是恆恆爸爸出動！），真的有點吃不消。自然地，一直潛藏心底的唔撈念頭又再浮起。

昨天一早我已揚言昨晚不可以太遲走。接近五時開始與兩位同事傾野，近六時時我看看手錶，其中一位好醒目甘問：「係米要走啦？」「係呀，我要與阿仔上課呀！」「甘夜都仲要返學？」「啊，係興趣班姐，我要同阿仔去做小小莫扎特呀！」佢兩個首先o哂嘴，跟著那位醒目同事即刻自以為事地做了拉小提琴的手勢，我狂笑話「唔係呀！」另一位又即刻賴醒目甘話「我知…我知…」之後好似貝多芬上身，好陶醉甘係到做彈琴的手勢…我不停話「唔係呀！唔係呀！」大家都係度狂笑……最後我唯有沒好氣地解釋：「查實，只不過係有一隻熊仔叫Beethoven bear和一隻老鼠仔叫mozart mouse陪住班小朋友唱下歌和跳舞的playgroup罷了！」

之後再傾多了一陣子，最後都是大約六時二十分才離開，趕忙打的回家，四十五分到家，剛好趕得上七時上堂。

雖然番工好忙好煩，但同d同事吹下水又真係幾開心。