頑皮

阿仔愈大愈頑皮，我在家很多時都要做包公來鎮住個場，否則便會亂晒坑，失晒控。所以早前話阿仔喜歡黏住我，我想不久的將來便不會的了！

昨晚他推著自己張HIGH CHAIR周圍走，興起時更什至乎推了出去露臺，半擱淺在露臺與廳的隙縫，給我罵了半晚，既要他自己搞番掂（佢當然搞唔掂啦），又罸他拉耳朵。但他完全唔知什麼事，不時卡卡笑。

剛才他要WEI WEI，完事後我洗手時，他自己在浴缸邊玩，如玩跳鞍馬般，一不留神自己便成個人好像條魚甘鍾了落個浴缸度。我當時笑番了肚。

知道我而家在做什麼嗎？我坐在梳化又扮緊包公囉，周不時仲要好COOL地叫「唔准郁，食埋飯先。」「我唔會理你架，直至你食完飯為止。」「你同我乖乖地食飯下。」小鍋貼無耐性食飯，好多時一飽就懶「趙」，跟著就吐番出來。好鬼煩。

要數他的頑皮事，10篇BLOG都寫不完。