分享

今晚有小鍋貼的最愛炸炸，當我挾起一塊時，他以熱幟的眼神望著我，然後甜甜地跟我說：「媽咪，與我分享啦！」噢，很難抵擋的呼喚！連公公都卟一聲笑了起來！

火鍋

今晚去了美心打邊爐，結論是喜歡大家樂多些，因我較愛吃肥牛。

記得早前跟小鍋貼說要回公公家打邊爐，他很認真地跟我說不可以的，堅持地認為不可以回公公家打邊爐。我好奇地問他原因為何？他的理論是：公公家樓下沒有大家樂，只有我們家樓下才有大家樂，所以不可以到公公家打邊爐，只能在我們家才能打邊爐。

小孩子自是有他自己一套的邏輯思維，而小鍋貼又是一位很strong minded的小朋友，他很多時都會緊守自己的那套想法，你若想轉變他的諗法，便得費一點心思和時間，否則只會兩敗俱傷，弄得大家都不開心。

魚皮

真係估唔到，小鍋貼居然喜歡吃我和恆恆爸爸最怕的魚皮！烤得香口的三文魚魚皮故然是最愛，就連蒸魚的魚皮都不放過！真的始料不及！

駛唔駛甘機靈呀？！

昨晚邊吃香芋片邊看那套新上的台慶劇，看完已十時半，以為小鍋貼已睡。怎知入到房，他還是眼仔碌碌，趕忙上床親他一下，怎知他既然跟我說

仔：媽咪你食左物呀？
我：（好心虛，即胡扯）無呀，我飲左你飲剩D鮮奶奶之麻！
仔：你個口好香呀媽咪，你食左物呀？
我：無呀，我未擦牙之麻！

好彩佢暫時都仲受哄，但阿仔你駛唔駛甘機靈呀？嚇到你阿媽我個心仔都差D跳了出來呀！

之後阿仔瞓了，恆恆爸爸不停追問我吃了什麼。倆仔爺真是同一鼻孔噴氣的！

好食懶做的小車神

昨天放學後，吃過午飯，由細姨姨帶領，便去了公公晨運的大公園做了四十五分鐘的小飛車！之後回家午睡三小時。睡飽飽後做功課，但居然大打呵欠不停話唔想做，睇黎呢隻鍋貼仔都係好食懶做的一族！

「樂趣」耶？！

小鍋貼現在要跟你嘔氣時真的會把你激到呱呱跳，但他乖時可愛時又讓人很窩心，這應是養兒育女的「樂趣」吧！

秋季旅行

Aiya，小鍋貼十一月頭學校秋季旅行呀，目的地是九龍公園。這是小鍋貼自出娘胎以來第一次不與我們同行，獨自去公園\旅行，我好緊張呀，個心卟卟跳，唔知好唔好那天請個假去偷望下呢！

剛才與他上學校的綱頁，一起看他上堂的照片，他就緊係笑到咔咔聲啦。問他其他同學仔的名字，他百分之九十九都話唔知，唯獨一位圓圓臉、梳著兩條牛角辮的女同學，他叫得出她的名字--雪敏！唔，不禁令我多看了這位小妹妹兩眼！

小大人

昨天跟同事午飯，阿仔自然又係話題之一。

「佢可以自己一個人玩跳樓機呀！」「下？唔係呀？！」（個個突晒眼地說）「哦，係OCEAN PARK兒童天地裡的那個，好似叫做FROG HOPPER姐。」

「上星期天我們在超級三文治吃早餐，撞到阿XX呀。」「下？你仲物星期日都回來吃早餐呀？」「哦，阿仔好鍾意吃超級三文治的早餐架。這間是最近我家的啦。」「物而家D細路甘識食架！」

「我今朝話比阿仔知我下午要與新來的威廉哥哥吃飯，不能回家陪他吃飯。我幾驚佢好似上次甘話要跟埋黎呀！」「下？新同事返工佢都要知架？！」

跟住有位阿太同事沒好氣地說：「你阿仔係一個小大人！一D都唔似未夠三歲！」

這個小大人稱呼，又幾有趣呵！

意想不到的答案

阿仔曳完豬，被恆恆爸爸炳了一頓，兩仔爺仍是黑住面的時侯，

我：邊個成日鬧人？

仔：媽咪。（物唔係爸b嗎？！你剛剛才被他炳完一鑊啊！）

我：甘，邊個成日被人鬧？

仔：爸b。（物唔係你自己嗎？！你剛剛才被人炳完喎！）

唔…我唔可以話你錯嘅，某程度上都是正確的！